Ákveðið að aflétta innri lokun að gosstöðvunum

4. september 2014 09:04

Í gær var ákveðið að rýma svæðið næst gosstöðvunum og setja upp innri lokun þar við.  Þetta var gert vegna mikils óróa sem kom fram á mælum og ekki var hægt að staðsetja eða útskýra með vissu.  Óróinn gekk niður í gærkvöldi og hefur ekki orðið vart aftur í sama mæli og í gær.

Lögreglustórinn á Húsavík, í samvinnu við almannavarnadeild ríkislögreglustjóra, hefur ákveðið að aflétta innri lokun og munu vísindamenn og fjölmiðlar á svæðinu geta farið aftur að gosstöðvunum.  Þetta er gert með þeim fyrirvara að það gæti komið til þess að rýma aftur ef aðstæður breytast.  Sem fyrr á þessi aðgangsheimild einungis við um vísindamenn og fjölmiðlafólk.

avdlogo09-150x151

Síðast uppfært: 4. september 2014 klukkan 09:04