Með EES samningnum geta Ísland, Noregur og Liechtenstein tekið þátt í starfi og verkefnum Evrópusambandsins í almannavörnum. Þannig gefst Almannavörnum á Íslandi tækifæri til að vera í samstarfi við  EFTA (Civil Protection Working Group)  og  eru þátttakendur í almannavarnasamstarfi Evrópu (The Union Civil Protection Mechanism).

EFTA   untitled

Ákvörðun No 1313/2013/EU segir til um starf almannavarna í Evrópusambandinu og þar er sett fram stefna um markmið, umfang og skilgreiningar.    “The Union Civil Protection Mechanism” vinnur að samhæfingu aðgerða, auðveldun samstarfs og sinnir aðstoðarbeiðnum aðildarlandanna í almannavörnum þegar hamafarir dynja yfir, bæði hjá aðildarríkjum og ríkjum utan ESB. Einnig eru fjármögnuð ýmis konar verkefni í almannavarnaáætluninni (Civil Protection Work Programme) svo sem varnir og viðbúnaður í almannavörnum, æfingar, þjálfun, sérfræðingaskipti og fleira.

Við hættuástand eða hamfarir  er hægt að kalla eftir aðstoð frá Evrópusambandsríkjum,  en neyðarvakt er allan sólarhringinn í neyðarsamhæfingarstöð sambandsins ERCC (Emergency Response Coordination Centre) sem staðsett er í Brussel. Ríki, sem þarfnast aðstoðar vegna hamfara hvort sem er innan bandalagsins eða utan, geta sent ERCC aðstoðarbeiðni. ERCC sendir beiðnir á aðildarlöndin sem finna úrræði sem henta.

CECIS  (Common Emergency Communication and Information System) Samskipti milli ríkjanna fara í gegnum samskiptakerfið CECIS sem tryggir beina upplýsingagjöf milli ERCC og þátttökuríkja. Í CECIS gagnagrunninum er hægt að nálgast upplýsingar um sérhæfðar hjálpareiningar (modules) sem aðildarlöndin leggja til samstarfsins og hægt er að óska eftir þegar neyðarástandi er lýst yfir.

Evrópusambandið leggur mikið upp úr því að styrkja getu aðildarríkjanna við að takast á við hættuástand, hvort sem um er að ræða náttúruvá, tæknivá eða önnur váverk t.d. af mannavöldum. Gert hefur verið átak í almannavörnum innan sambandsins með áherslu á samhæfingarþáttinn.

Evrópusambandið stendur fyrir umfangsmiklu þjálfunarprógrammi, sem viðbragðsaðilar frá Íslandi hafa sótt.

Þá er hægt að fara í fræðsluferðir til almannavarna víðs vegar um Evrópu á vegum almannavarna Evrópusambandsins með Exchange of Experts. Margir sérfræðingar hafa sótt Ísland heim til að kynnast starfi almannavarna á Íslandi
Hópur frá Grikklandi og Ítalíu
Hópur frá Ítalíu

Annað hvert ár er haldin metnaðarfull almannavarnaráðstefna í Brussel Civil Protection Forum sem almannavarnadeild ríkislögreglustjóra hefur tekið þátt í bæði með verkefni og umræðum https://www.youtube.com/watch?v=YwDovYQwMTg

Síðast uppfært: 24. október 2016 klukkan 17:01