Flugslysaæfing í Vestmannaeyjum

8. apríl 2017 12:07

Á öllum áætlunarflugvöllum landsins eru reglulega haldnar umfangsmiklar æfingar sem reyna á viðbrögð vegna flugslysa.  Í dag fer fram flugslysaæfing á Vestmannaeyjaflugvelli.  Á æfingunni verða æfð viðbrögð við því að flugvél, með rúmlega 20 manns um borð, hlekkist á við lendingu.  Eldar kvikna og það þarf að bjarga fólki úr flugvélarflakinu.

Allir viðbragðsaðilar í Vestmannaeyjum taka þátt í æfingunni auk ráðgjafa sem sjá um að setja upp æfinguna.

Markmið æfingarinnar er að æfa samhæfingu allra viðbragðsaðila í Vestmanneyjum en Samhæfingarstöð almannavarna í Reykjavík tekur líka þátt í æfingunni.

Æfingar sem þessar eru mikilvægur þáttur í að tryggja að almannavarnakerfið sé vel undirbúið fyrir stór verkefni sem kunna að koma upp.

Síðast uppfært: 8. apríl 2017 klukkan 12:07