Markmið almannavarna er að takast á við vá af völdum náttúruhamfara, af mannavöldum, farsótta eða hernaðaraðgerða eða af öðrum ástæðum, sem kann að ógna lífi og heilsu almennings, umhverfis og eða eignum.

Kynnið ykkur varnir og viðbúnað sem gott er að hafa í huga í aðdraganda að náttúruvá, eða viðbrögð við yfirstandandi náttúruvá með því að velja hérna hægra megin.


Áhættuskoðun almannavarna greinir þær áhættur sem almannavarnir þurfa að takast á við. Unnið með öllum umdæmum almannavarna í landinu að þeirri greiningu. Hvert umdæmi greindi áhættur í sínu umdæmi og forgangsraðaði viðbúnaði við þeim.

Áhættuþættir af náttúruvöldum. Íslendingar hafa oft þurft að takast á við óblíð náttúruöflin og hættulegar afleiðingar þeirra. Eldgos með tilheyrandi hraunrennsli, öskufalli og jafnvel jökulhlaupi, aurskriður, sjávarflóð og snjóflóð, jarðskjálftar, óveður og kuldi hafa bæði valdið manntjóni og fjárhagsskaða. Búast má við að boðun hlýnun jarðar geti  valdið breytingum á veðurfari með ófyrirséðum afleiðingum. Þar sem áhættan er talin aukast í náttúrufari vegna loftslagsbreytinga þarf að auka viðbúnað í almannavarnakerfinu.

Áhættuþættir af mannavöldum. Áhætta getur skapast vegna vanrækslu, yfirsjóna eða mistaka, en einnig af ásetningi. Hryðjuverk, skipulögð glæpastarfsemi og netárásir hafa aukist síðustu ár og er mikilvægt að vera viðbúin þeirri áhættu.

Áhættuþættir vegna tæknilegra bilana. Veruleg röskun á helstu samfélagsinnviðum getur ógnað lífi og heilsu íbúa, svo og félagslegum, efnahagslegum og umhverfislegum þáttum sem tryggja öryggi samfélagsins. Tryggja þarf virkni helstu samfélagsinnviða s.s. fjarskipti, raforku, samgöngur, vatnsveitu, fráveitu, löggæslu og neyðarþjónustu.