Þessi síða er upplýsingasíða fyrir þau sem fá sjálfvirka tilkynningu í sms vegna öskufalls í gegnum 1-1-2.
Frá Lögreglustjóranum á Suðurnesjum og Almannavarnadeild ríkislögreglustjóra: Vegna öskufalls á Reykjanesskaga eru íbúar beðnir um að loka gluggum.
Hvað þú getur gert til að verja þig gegn ösku?
Mikilvægt er að draga úr ösku innanhúss.
- Hafðu allar dyr og glugga lokaða hvenær sem þess er kostur.
- Hlífðu augum
- Ef askan er fíngerð skal ganga með hlífðargleraugu eða sjóngleraugu í stað augnlinsa til að hlífa augunum við ertingu.
- Takmarkaðu akstur
- Strax eftir öskufall, jafnvel lítið öskufall, geta akstursaðstæður, skyggni og loftgæði versnað verulega, sérstaklega þegar umferð þyrlar öskunni aftur upp. Rigning hefur skyndileg en tímabundin bætandi áhrif á loftgæði þangað til askan þornar aftur. Við mælum með að þú forðist akstur og haldir þig innandyra í kjölfar öskufalls ef þess er kostur. Ef þú verður að aka skaltu halda löngu bili á milli þín og næsta ökutækis á undan og aka hægt.