NORDRED
Íslendingar eiga í formlegu gagnkvæmu samstarfi við Norðurlöndin, Noreg, Danmörku Svíþjóð og Finnland með samstarfssamningi um björgunarmál, svokölluðum NORDRED samningi. Samstarfið tekur til áfalla og tjóna sem almenningur verður fyrir. Löndin hafa skuldbundið sig til að hjálpa hvert öðru í neyð. Í tengslum við samninginn hafa verið gerðir undirsamningar sem taka á samvinnu á landamærum ríkjanna t.d. er varða sjúkraflutninga. Þá hefur verið samið um gagnkvæma aðstoð varðandi smitsjúkdóma ofl.

Samstarfshópurinn hittist að jafnaði tvisvar á ári og leiða Norðurlöndin starfið til skiptis í þrjú ár í senn og í lok tímabilsins eru haldnar metnaðarfullar ráðstefnur.  Ísland hélt NORDRED ráðstefnu 2006.  Nú er aftur  röðin komin að Íslandi að leiða samstarfið í NORDRED næstu þrjú ár árin.

Ísland hefur verið virkur þátttakandi í NORDRED ráðstefnunum. Á ráðstefnunni í Svíþjóð voru m.a. kynntar rannsóknir, sem gerðar voru í NORDRESS rannsóknarverkefninu með þátttöku almannavarnadeildarinnar.

                                                                                                                               Einar Pétur Heiðarsson, Peter van der Keur, Guðrún Jóhannesdóttir, Gunhild Setten, Lisa Van Well og Hanne Krage Carlsen á NORDRED ráðstefnunni.

Frekari upplýsingar um samstarfið í NORDRED á vefsíðu verkefnisins

HAGA 
Með Haga I yfirlýsingunni árið 2009 ákváðu ráðherrar almannavarna á Norðurlöndunum að auka og styrkja samstarfið milli landanna í málefnum almannavarna.  Stofnaðir voru vinnuhópar til að styrkja samstarfið meðal annars í björgunarmálum, menntunarmálum, CBRN efnamálum, miðlun upplýsinga í hamförum, starfi sjálfboðaliða, æfingum, rannsóknum og þróun svo fátt eitt sé nefnt og hafa þessir hópar fundað að jafnaði tvisvar á ári.

Árið 2013 var fundur ráðherra almannavarna í Vaxholm í Svíþjóð og var þar ákveðið að að strykja enn frekar starfið í almannavörnum með Haga II yfirlýsingunni. Þá  kortlögðu og greindu norsku almannavarnirnar  samstarf Norðurlandanna í almannavörnum í samvinnu við almannavarnastofnanir á Íslandi, Danmörku, Finnlandi og Svíþjóð.

Fjallað eru um norrænt samstarf innan HAGA árin 2009-2014 í ritinu Nordic Cooperation on Civil Security  eftir Alyson JK Bailes og Carolinu Sandö.

Síðast uppfært: 10. september 2020 klukkan 13:48