Áfram fylgst með kerfum yfir helgina vegna Log4j veikleikans

Allir ómissandi innviðir og þjónusta starfa eðlilega og eru ekki skert eða takmörkuð á þessum tímapunkti. Ekkert atvik hefur verið tilkynnt um innbrot inn í kerfi með Log4j veikleikanum.

Ennþá vinna rekstraraðilar að málinu og bregðast við nýjum upplýsingum og uppfærslum eftir því sem þær berast. Fylgst verður áfram náið með kerfum og hegðun þeirra ásamt þróun veikleikans á heimsvísu og hvaða áhrif hún gæti haft.

Áfram er unnið undir óvissustigi og verður það endurskoðað nk. mánudag.

Frekari upplýsingar veitir: Guðmundur Arnar Sigmundsson, sviðsstjóri netöryggissveitarinnar CERT-IS, GSM: 859 1010 og netfang: gudmundur@fjarskiptastofa.is eða Hrafnkell V. Gíslason, forstjóri Fjarskiptastofu, hrafnkell@fjarskiptastofa.is