Skíðasvæði í Ölpunum eru nú skilgreind áhættusvæði vegna veirunnar sem veldur COVID-19 sjúkdómi. Þetta var ákveðið af sóttvarnalækni að viðhöfðu samráði við ríkislögreglustóra.
Umrædd svæði eru í fjórum löndum; Austurríki, Sviss, Þýskalandi og Frakklandi. Þessi svæði bætast við áðurnefnd áhættusvæði (Kína, Suður-Kórea, Íran og Ítalía auk Ischgl í Austurríki).
Nýju svæðin eru t.d. Val Thorens, Chamonix, Zermatt, St. Anton, Ischgl, Serfaus, Sölden, Garmisch, Hintertux, Kitzbuhel, Saalbach, Wagrein o.fl.
Landsvæðin eru eftirfarandi:
- Austurríki
- Öll skíðasvæði
- Sviss
- Öll skíðasvæði
- Þýskaland
- Skíðasvæði í Suður Bæjaralandi
- Frakkland
- Provence-Alpes-Côte d’Azur
- Auvergne-Rhône-Alpes
- Slóvenía
- Öll skíðasvæði
Íslendingar sem hafa dvalið á þessum svæðum frá 29. febrúar eiga að fara í 14 daga sóttkví frá því að þeir yfirgáfu viðkomandi svæði.
Þeir sem hafa verið á þessum svæðum og finna til einkenna eru hvattir til að hafa samband við síma 1700, tilgreina að þeir hafi verið á hættusvæði og fá ráðgjöf um næstu skref.
Vegna aukinna fjölda staðfestra tilvika COVID-19 hjá fólki hér á landi og erlendis sem hefur verið á skíðasvæðum í Ölpunum telur sóttvarnalæknir aukna áhættu á smiti á því svæði. Því er gripið til þess að skilgreina þessi svæði sem áhættusvæði. Ljóst er að fjöldi Íslendinga er á þessum svæðum nú um stundir. Er þeir hvattir til að skrá sig i grunn borgaraþjónustunnar sem nálgast má á heimasíðu utanríkisráðuneytisins.
Hér má nálgast skilgreind áhættusvæði vegna COVID-19 https://www.landlaeknir.is/um-embaettid/greinar/grein/item39194/Skilgreind-ahaettusvaedi—Defined-high-risk-areas