Í dag, mánudaginn 26. febrúar, kl. 17:00 til 19:00, heldur Almannavarnadeild ríkislögreglustjóra upplýsingafund fyrir íbúa Grindavíkur. Fundurinn verður haldinn í Laugardalshöllinni og verður streymt og túlkaður á pólsku. Markmiðið er að upplýsa íbúa um stöðu jarðhræringa og innviða í og við Grindavík. Fram hefur komið að staðan sé ekki góð og því er mikilvægt fyrir íbúa að fá réttar upplýsingar í máli og myndum.
Fundarstjórn verður í höndum Almannavarna.
Þau sem tala á fundinum:
Sigríður Björk Guðjónsdóttir opnar fundinn, Embætti ríkislögreglustjóra
Freysteinn Sigmundsson, Háskóli Íslands
Kristín Jónsdóttir, Veðurstofa Íslands
Ari Guðmundsson, Verkís / Varnargarðar
Hallgrímur Örn Arngrímsson, Verkís / Jarðkönnun í Grindavík
Atli Geir Júlíusson, Grindavíkurbær / Frárennsli og almennt um stöðuna á innviðum Grindavíkurbæjar
Reynir Sævarsson, Efla / Rafmagn og heita vatnið
Úlfar Lúðvíksson, Embætti lögreglustjórans á Suðurnesjum
Auk þessara aðila verða fulltrúar eftirtaldra á staðnum:
- Vegagerðin
- HS Orka
- HS Veitur
- Náttúruhamfaratrygging Íslands