Við erum öll almannavarnir – Ráðstefna Almannavarna 28. apríl nk.

Ráðstefna Almannavarna fyrir ráðuneyti, stofnanir, sveitarfélög og eigendur mikilvægra innviða, haldin 28. apríl á Hilton Reykjavík Nordica.

Fimmtudaginn 28. apríl verður haldin ráðstefna í tilefni af þemaviku Almannavarna um eigin viðbúnað. Tilgangur ráðstefnunnar er að kynna fyrir ráðuneytum, stofnunum, sveitarfélögum og eigendum mikilvægra innviða efni þemaviku Almannavarna sem og verkefni Almannavarna um greiningu á áhættu og áfallaþoli sem verið er að hrinda af stað.

Almannavarnir leggja áherslu á grundvallarreglur almannavarna, sviðsábyrgðar-, samkvæmnis-, grenndar- og samræmingarreglu og þar með á hlutverk ráðuneyta, stofnana, sveitarfélaga og þeirra einkafyrirtækja sem falla undir kröfur um almannavarnastarf samkvæmt lögum um almannavarnir.

Fjallað verður um þemaviku Almannavarna um eigin viðbúnað, leiðbeiningar og vefgátt Almannavarna vegna samræmdra greininga á áhættu og áfallaþoli, námskeið í samstarfi Iðunar fræðsluseturs og Almannavarna um notkun leiðbeiningaefnisins og vefgáttarinnar.

Skráning á ráðstefnuna er HÉR.

Aðgangur er ókeypis en sætafjöldi takmarkaður. Allar frekari upplýsingar er hægt að nálgast hjá Hjördísi Guðmundsdóttur, samskiptastjóra Almannavarna (hg01@logreglan.is).

Við hlökkum til að sjá ykkur fimmtudaginn 28. apríl nk.

Dagskrá

13:00		Opnun ráðstefnunnar	Jón Gunnarsson, dómsmálaráðherra
13:15		Áherslur Almannavarna	Víðir Reynisson sviðstjóri og yfirlögregluþjónn Almannavarna
13:35		Þemavika Almannavarna	Hjördís Guðmundsdóttir, samskiptastjóri Almannavarna
13:45		3 dagar	Jón Brynjar Birgisson, sviðsstjóri Rauða krossins á Íslandi
13:55		Áhættustjórnun	Ársæll Þorsteinsson, vélaverkfræðingur Mannvit
14:20		Verkefni Almannavarna Greining á áhættu og áfallaþoli	Elísabet Pálmadóttir, verkefnastjóri Almannavarna
14:30		Kaffi
14:50		Gagnsemi áhættugreininga	Anna Málfríður Jónsdóttir, verkfræðingur, Lota ehf.
15:00		Almannavarnir í sveitarfélaginu	Kjartan M. Kjartansson, bæjarstjóri Reykjanesbæjar
15:15		Almannavarnir og fjölskyldulífið	Arna Björg Rúnarsdóttir, íbúi og foreldri í Grindavík
15:30		Námskeið í gerð greininga á áhættu og áfallaþoli	Ólafur Ástgeirsson, sviðsstjóri bygginga- og mannvirkjasviðs hjá Iðuni fræðslusetri
15:40		Af hverju erum við að þessu? Hver er tilgangurinn?	Ingibjörg Lilja Ómarsdóttir, fagstjóri endurreisnar hjá Almannavörnum
16:00		Samantekt á ráðstefnu og ráðstefnulok	Sigríður Björk Guðjónsdóttir, ríkislögreglustjóri