Almannavarnir, í samstarfi við HS Veitur fóru í það í gærkvöldi að koma á heitu vatni á hús vestan Víkurbrautar í Grindavík (Sjá rýmignarkort Grindavíkur: rauða, græna og hluta af bláa hverfinu).
Mikil áhersla var lögð á þessa framkvæmd þar sem talsvert frost er á svæðinu og verður næstu daga. Því var nauðsynlegt var að fara í þessa aðgerð til að koma í veg fyrir mikið eða meira tjón á húsum.
Til þess að hægt sé að kanna ástand hitakerfa fasteigna er þess nú óskað að íbúar Grindavíkur í hverfunum sem skilgreind eru í rauða, græna hverfinu og hluta af bláa hverfinu (sjá rýmingarkort Grindavíkur og götulista hér að neðan) komi með lykla að íbúðum sínum, annað hvort í Þjónustumiðstöð Almannavarna í Tollhúsinu við Tryggvagötu eða í húsnæði Brunavarna. Suðurnesja að Flugvöllum 33 í Reykjanesbæ. Íbúar eru hvattir til þess að koma með lyklana á þessa staði eins fljótt og auðið er. Móttaka lykla er á þessum tveimur stöðum til klukkan 17:00. Almannavarnir hafa fengið til liðs við sig viðbragðsaðila pípulagningamanna til að skoða þau húsnæði sem eru á þessu skilgreinda svæði, þ.e. vestan Víkurbrautar.
Þau sem ekki ná að koma með húslykla á þessa tvo skilgreindu staði geta komið með þá á íbúafund sem haldinn verður kl. 17:00 í dag í Laugardagshöllinni. Íbúar annarra svæða geta einnig komið með húslykla af sínum íbúðum á íbúafundinn.
Eins og staðan er núna þá er vera íbúa óheimil í Grindavík en viðbragðsaðilar hafa verið þar að störfum.
Móttaka lykla í dag er í Þjónustumiðstöðinni við Tryggvagötu og á Slökkvistöðinni í Reykjanesbæ við Flugvelli. Einnig er hægt að koma með húslykla á íbúafundinn í dag.
Þær götur sem um ræðir eru:
| Skipastígur |
| Árnastígur |
| Vigdísarvellir |
| Glæsivellir |
| Ásvellir |
| Gerðavellir |
| Baðsvellir |
| Selsvellir |
| Litluvellir |
| Sólvellir |
| Hólavellir |
| Blómsturvellir |
| Höskuldarvellir |
| Iðavellir |
| Efstahraun |
| Heiðarhraun |
| Leynisbraut |
| Hraunbraut |
| Staðarhraun |
| Hvassahraun |
| Borgarhraun |
| Leynisbrún |
| Arnarhraun |
| Skólabraut |
| Ásabraut |
| Fornavör |
| Suðurvör |
| Norðurvör |
| Staðarvör |
| Laut |
| Dalbraut |
| Sunnubraut |
| Hellabraut |
| Vesturbraut |
| Kirkjustígur |
| Verbraut |